(((بساتين المشاعر)))

انا والليل وجروح المشاعر والعنا والصمت
........../*/.. وحزني والعــذاب ودفتـــري والشعــر واوراقي


وقفنا عند بيبان الغرام وقال لّي ما دمت
........../*/.. على وضح النقى بعطيـــك نبذه وافهـــم البــاقي


مدام انك على اللي قد مضالك في الهوى اتندمت
........../*/.. بساتيــــن المشــاعر يابســــه يومنّـــك الساقي


خذ اللي باقيٍ في العمر وافطر من عقب ما صمت
........../*/.. وعبّر عن شعورك كل مـــا شفت الصدر ضاقي


وقلت اسكت ترى سرّ المحبّه غاليٍ لو لمت
........../*/.. خفوقي واستبحته وانفجر فـــي داخل اعمـــاقي


ومن عقب العذاب الي مضالي في الهوى عزّمت
........../*/.. مابوح بسر حـــبّ اللي ملكني عشقه الــــراقي


وشفني من بعد ماغاب عنيٍ من الوله مانمت
........../*/.. زرعني فوق جمر الشوق واحرق قلبي احراقي


حديثه عذب وايامي معه حلوه وانا لو رمت
........../*/.. الاقيــه وظــروفـــه عانقتنــي ذابـــت اشــواقي


انا معه استلذ الحب لو من همّه اتألمت
........../*/.. لأنه بلســم جروحي بعــــد ما تـــل مسبـــــاقي


وكل لحظه تمر القلب ياما اجلس وياما قمت
........../*/.. على جمر الوله طـال انتظاري وجفت احداقي


ولو بالسوق مليون البضايع بالغلا ماسمت
........../*/.. سوى من حرّكت همس المشاعر منه خفاقي


بعيدٍ عن جميع اهل الوشايه والعذل والشمت
........../*/..أحبّه واعشقه وابيـــع لجله عمري البـــاقي

ماأنساك ل-وثانيه

كلمات رائعه

يعطيك العافيه عليها

كل الشكر لكم على المرور
حياكم الله ماعدمنا طلاتكم

كلماااااااااات جملية

يعطيك العافية


تحيااتي

عاشقة متيمة

عاشقه متيمه

يسعدني ويشرفني مرورك عزيزتي

فحياك الله ولا حرمن من ردودك المثلجه لصدور