### قصيده تجنن تهزك ولو قلبك حجر ###

اللهم صل على محمد وآل محمد الطيبين الطاهرين

السلام عليكم ورحمه الله وبركاته

يمه طق الجرس وجيت اركض على قبرج

تضميني ؟
تضميني على صدرج

تضميني مثل أول لي جيتلج أركض؟
وتحطي راسي بحضنج ؟

تبوسيني على راسي
تشربيني كوب الماي بيدينج ؟
تشوفي أوراق كرّاسي ؟

يمه
شوفي هالواجب
صعب ماقدر على حلّه

يمه

شوفي ذاك الدرس

ماني فاهمه كلّه

يمه
ضعت من دونج

دربي ضاع ما ادلّه

يمه
اليوم كلهم جـَوّ
كل طفلٍ معاه أمه

تضحكله وهو فرحان
يجاوب صح تصفقله
تسأل عنه الابله تقول
مثل ولدج ترا قِلّه

وانا وحدي بآخر صف
طيفج ينتحل فكري
اشوفج جالسه يمي
واقول شوفوا
شوفوا
ترا هذي إهي أمي أتلفت يمين

..شمال

.وينج ليش مو يمي ؟
ليه الهم فيني زاد
منهو بيحتضن همي ؟

يمه
رحت انا للسوق
شريت لحالي هدوم العيد
لبسي كله صار جديد

وصار بكرى يوم العيد
جيت اركض على دارج
بقول كل عام وانتي بخير
لقيت العام كله راح
وماظل فيه من بعدج خير

يمه
بروح للألعاب
توديني ؟
مثل أول بيوم العيد كنا نروح
كنا نركب الصندوق
نطلع كلنا ونرد
وطلعتنا ترد الروح

يمه
حيل أنا مشتاق

يمه
حيل انا مشتاق
والله أني إصغيّر

مــا أقوى ألم لِفـْراق

شوفي الدمع لج يحكي
يروي قبرج الطاهر
ومن آهاتي لج يشكي

يمه
أبوي ما يضحك

واختي بدارها تبكي

يمه
بيتنا مُظلم

نور الشمس ما يكفي
نورج ليه عنّا غاب ؟
كل نورٍ وراه يطفي

يمه
مدي إيدينج
حطيها على كفي

ابي ألمس دفاج بيوم

وعلى صدرج ابي أغفي

يمه
خلي هالحفرة
قومي إطلعي منها

يمه
ردي إلبيتج

ترجيتج ترجيتج
يمه
ردي إلبيتج

وينه حضنج الدافي ؟
يذيب الثلج في دروبي
يدفيني بعز البرد
يحضن رعشة جنوبي

يمه
خلاص مو كافي ؟

يمه
ليه ماتردين ؟

يمه
ليه هذا الصمت

يمه
أنا اتكلم

ليه انتي ماتردين

معقوله يمه ما تدرين

اني قاعد اتكلم ؟

يمه ,

خلاص رحتي ؟

خلاص ماعاد لي جنه

في هالدنيا اعيش فيها

خلاص غبتي ؟

خلاص ما عادلي شمس

ٍتزيل الظلمة تمحيها

يمه ,

من بعدج يواسوني

قالوا نلتقي بكرى

أنا ما بي أجي بكرى

ابيج اليوم لي وحدي
أبي اقعد بهالحفره

يمه
دَني إشويه

بنام يمج بهالحفره

اللهم أحفظ أمهاتنا وأمهات المؤمنين والمؤمنات جميعاً

دمتمـ بألف خير

عاشقة متيمة

عاشقة متيمة

بصراحه يكفى انها تحكى عن الأم

كلمات اروع من الرائعه كلمات مؤاثره

يعطيك العافيه على الخيار الجميل

بحار كتب:: عاشقة متيمة

بصراحه يكفى انها تحكى عن الأم

كلمات اروع من الرائعه كلمات مؤاثره

يعطيك العافيه على الخيار الجميل

تواجدك هو الأروع
ونورتها بطلعتك البهية
يعطيك ربي العافية

والله يحفظ أمهاتنا وأمهات جميع المسلمين

تحياتي لك

عاشقة متيمة

اللهم أحفظ أمهاتنا وأمهات المؤمنين والمؤمنات جميعاً

تسلمين يالغلا

من جد كلامات روعه

الله يسعدك في الدنياولاخره

أميرة الدلع كتب:: اللهم أحفظ أمهاتنا وأمهات المؤمنين والمؤمنات جميعاً

تسلمين يالغلا

من جد كلامات روعه

الله يسعدك في الدنياولاخره

شاكرة مرورك الكريم
ويعطيك ربي العافية
الأروع تواجدك يالغلا
آمييييييييييين يارب

دمتِ بود

&*^&*^&*^&