ياوجودي كل ماهب نسناس الشمال (شيله) لاتفوتكم

من احلى الشيلات اللي سمعتها جدا رائعه

لاتفوتكم اسمعوها..

كلمات الشاعر:ضيدان بن قضعان
اداء : ساير الرياحي

يا وجودي

ياوجودي كل ماهب نسناس الشمال
وجد من حدّه زمانه على اللي ما يبيه

وياوجودي كل مااغفيت ثم مال الظلال
لاغفت عيني ولاذقت شيٍ مشتهيه

وجد من قفّى وهو في رجا كلمة تعال
والتفت من عقب مااقفى ولحدن لدّ فيه

وياعذابي لادنا الليل من روس الجبال
وانتهى يومٍ من العمر ماعاد ارتجيه

وانتي ابعد من سما الحلم ووصالك محال
يابعد من هلّ دمعي ضحى الفرقا عليه

ياغناتي لاتحسبين دمعي يوم سال
ضعف والاّ خوف والاّ كذا والاّ كذيه

والله اني من رجالٍ يضدون الرجال
لكن الحظ الردي ساق دمعي كلبيه

ووالله اني كل مادار حوليك الجدال
قمت كن الموت يشر على قبري يإيديه

ووالله ان قد لي وانا اصد لاجالك مجال
صدّت اللي لاتضايق تذّكر قبر اخيه

ومن سألني قلت مدري واذا عاد السؤال
قلتله تكفى سؤالك ترى ماهو وجيه

وش تبيني اقول عماََ ترى ذبحي حلال
والخطا منها علي صرت احبه واهويه

عذرها لو ماتعذر مثل واضرب مثال
واحدن مايعرف الحر الأشقر يشتويه

وان رجعنا للتواصيف لله الكمال
لا انتهى ليل المزايين جاتك تبتديه

كنها غفلٍ مع البدو طاويها الحيال
ما يميز وصفها الاّ نبيهٍ من نبيه

واهني اللي وصلها وذاق امن الزلال
رشفةٍ مع غفلة الناس من فيها لفيه

واعزتي للي سواتي عشق ما لا يطال
ويوم طاله ضيع الحلم بين أمه و ابيه

يااول احلام الطفوله على حد الخيال
الرجا بللي حمى البيت من حملة بريه

حال دونك سيف عنتر وتاسع حول حال
باثر حولٍ حال دونك وانا ادعي هيه هيه

هيه يللي غرك الحسن واطغاك الجمال
والله ان اموت ماشفت لاوصافك شبيه

لو يسام الحسن والتيه بجنيه وريال
مابقى في سوق غيرك لا ريال ولاجنيه

كيف اهدك للمقابيل وانتي راس مال
راس مال ومال والماال مايعطى السفيه

حافظك حفظي لعيني ورمشي لك جلال
وانتي تشحّين بالما وانا شفّي مويه

شايفن ظلمك وساكت وطال الليل طال
لاتركتي طعن قلبي وانا ماقلت ليه ؟

لو بقا للهيل صبرن على فوح الدلال
مابقى للقلب صبرن على شيٍ يجيه

كنت احسب ان الغلا زال واثره لايزال
في الحشا ماكنه الا دخيلٍ في وجيه

ساقني حبك على الموت وسنيني هزال
والظروف اقسى من الظلم للعرض النزيه

وانتي تسوقين عقلي على حد الهبال
تحسبين ان من بغى شي يقدر يشتريه

والاّ انا ياوجد حالي وجودن مايقال
وجد من ضحى بغاليه لرضا والديه

وياوجودي يااول العمر قبل ألبس عقال
وجد من باع آآخر العمر في رغبة ذويه

وياوجودي كل ماهب صوتش من شمال
وجد من حدّه زمانه على اللي مايبيه

يعطيك العافيه اختى منى

بصراحه مره روعه ولكن فيها عيب اللى هو الصووت

اشكرك كثير

ويعافيك ربي اخ بحار اهم شي تعجبكم,,تدمع العين صح ؟؟

بس مافهمت قصدك ؟؟ تقول فيه عيب الصوت
تقصد الاداء ما اعجبك ولاوشلون ؟؟

الف شكر على المرور الطيب..

المقصوود صفاوته يعنى مو صافيه ..

ولا اللحن والأداء مه روعه كذالك الكلمات من جد روووعه

بحار كتب:

المقصوود صفاوته يعنى مو صافيه ..

ولا اللحن والأداء مه روعه كذالك الكلمات من جد روووعه

صحيح كلامك مو صافي مره

كم مقطع بحثت عنه ابي اصفى مالقيت!!

اخ بحار شااااااااااااااااااااكره لك تعليقك ومرورك الاروع..

روعه روعه بروعتك يالغلا

يسلمو يابعدهم

بس قهر الصوات مو واضح مره

أمواج البحر كتب:: روعه روعه بروعتك يالغلا

يسلمو يابعدهم

بس قهر الصوات مو واضح مره

هلا وغلا تسلمين لي ياعسل

والله طلتك الحلوه اسعدتني