قصيدة تائب

يالله جيتك وذنبي متعب حالي
عبدك رجا رحمتك ، كفر له ذنوبه

انت الذي لا إله الا انت يالعالي
انت الذي تهدي اللي ضل لدروبه

غريت أنا بالحياة وزينها البالي
واصبحت لإبليس وأهل الغي ألعوبه

واحياني الله عقب موتي واذلالي
وتبعت سنة نبي الله محبوبه

يالغافر المعطي يالتواب يالوالي
تقبل ضعيف ذليل كثرة عيوبه

خليت لجلك نعيم كان يحلالي
وبدلتها بجنة يا حلو مشروبه

ابيك ترضى علي وتغفر اعمالي
وهذي دموع الندم والخوف مسكوبه

وش تنفعن دنيتي لاعرضت اعمالي
يوم ان أهل الكفر بالنار مكبوبه

يوم الفضيحة ويوم فيه الاهوالي
تشوف كل الخلايق منه مرعوبه

يالله تغفر خطاي وترحم الحالي
عبد ضعيف تعب من كثرة ذنوبه

لو دار وقتي علي ولا تهيالي
تبقى لي الغافر اللي يقبل التوبه

الله يغفر لنا يااااااااااااااااارب