...((يقلون عشق البنت موعادي))...

يُمَه ذبحني بغلاه ... وطبعه الهادي
هو صاحب الفضل في هالعشق ... والمنة

مدري انا البادية ... والا هو البادي
بس المهم الهوى فينا غرز سِنه

والله يا حضنه حضن ... وشفاهه تنادي
وجوارحي كلهن يُمَه يلَبِنه

يُمَه وربي انا مالوم حسادي
ادري بهن حاولن بالكيد يغونه

وهو يتحمل غثاي ... ويعشق عنادي
يموت بي موت وغيري ما درى عنه

يُمَه تماديت به والقلب متمادي
ومشاعري ضيعت قلبي ... وذلنه

من قبل اعرفه وقلبي بالهوى غادي
وعقبه عرفت النعيم وريحة الجنة

انفاس صدره اذا فاحت زهر كادي
اقرُب من شفاهه الحلوات وآكنه

ادري الهوى شين ... لكن ربي الهادي
يمكن يجي يوم وانسى ... بس ما اضنه

شابت عيونه على فرقاي وبعادي
وذابت حوايف خصر سلمى من الحنة

اقول خذني " من الوادي ... الى الوادي "
ويقول بس اركدي واجيك بالسنة

وركدت يُمَه ... ولكن طَوّل ركادي
متى البشاير يجن قلبي يهزنه ...؟!

اقلق مزاجي هواه ... وعكر رقادي
وعروق قلبي من النشوة يحزنه

افز من عز نومي بحلمي انادي
اوِن بإسمه ... وترجع لإذني الونة

اللي عشق غير خلي ... بالهوى غادي
واللي عشق غير خصري ... بايخٍ فنه

يُمَه يقولون عشق البنت "مو عادي"
والا الولد لو عشق يمكن يجي منه ...؟!

يُمَه يقولون عشق البنت "مو عادي"
والا الولد لو عشق يمكنيجي منه ...؟!

اشكرك على النقل

ملكة القلوب كعادتك مبدعه

يجي منه لانه له قلب وله احساس زيه زي غيره

كـابتن بـــحار
لتواجدك ومرورك الرائع
وبصماتك المضيئه في متصفحي
نور يضئ كل ارجاء كلماتي
كم أسعدني تواجدك وجعلني أحلق في
سماء الأفق ..
يعطيك العافية ولاحرمني الله اطلالتك
قلمي سيصمت امام
لباقتك وابداعك
الجميل هو تواصلك والاجمل هو
ردك..دمت بود

drawGradient()