أنا والليل والعبرةوجرح

موضوع: أنا والليل والعبرةوجرح 20/9/2008, 6:25 am

انا والليل والعبـرة وجـرح وخاطـر ٍمكسـور
ونفس من هجيـر البعـد والحرمـان مقهـورة

وقلب ظامي لشوفـك ولايـروى ظمـاه بحـور
وعين تحتري لحظة غيـاب الطيـف وحظـوره

ونـار تنطفـي مـره ومـره تشتعـل وتثـور
واقول النار مقدورة وهي مـا هيـب مقـدورة

حسبت الليـل بغيابـك يمـرن الليـال دهـور
وكني شايـل بقلبـي ليـال الوقـت وشهـوره

تصبرت وتقدرت وبنيت مـن الخيـال قصـور
إلين ان الجفـا شـد الركايـب وانتهـى دوره

تحريتك على درب القصيد مـن ثـلاث شهـور
وحشا ما مات لك غصن يشف المـاي بجـذوره

تخيرت الغرام وجيـت لا راضـي ولا مجبـور
وجيتي تسبقيـن خطـاك مرضيـه ومجبـوره

وانا ما كان لي رغبه أبين واكشـف المستـور
ولكن الجمـال أكبـر مـن الخفـاق وشعـوره

جمـال وود وعيـون ودلال وكبريـاء شعـور
وفتنة تخـذل عيـون النهـار وينطفـي نـوره

ولك في خافقي صوره تلاشت بين ضـي ونـور
وأخاف اسكت من الفرحة وتنطق باسمك الصورة

عرفتك وانتهت رحلة قساوة دربـي المهجـور
والا يا جملـة أيـام الجفـا والصـد مشكـورة

خذتني للجفـا عـزه واخذنـي للعنـاد غـرور
واخاف اكون بعنادى حبيـب ومـات بغـروره

وإذا كانـت مسافـات الخيانـة للغـرام قبـور
وش اللي يجبر العاشق يخون ويحفـر قبـوره؟

وش اللي يجبر الشاعر يدور للشعـر جمهـور؟
مـدام انتـي محبينـه وعشاقـه وجمـهـوره

موضوع: رد: أنا والليل والعبرةوجرح 22/9/2008, 7:29 pm

انا والليل والعبـرة وجـرح وخاطـر ٍمكسـور
ونفس من هجيـر البعـد والحرمـان مقهـورة

اختي الريم

اهنئك على هذه الخاطره الأكثر من رائعه
وارجو الا تحرمنا من ابداعتك
ننتظر كل جديد منك

::ملكة الرومنسيه::

موضوع: رد: أنا والليل والعبرةوجرح 22/9/2008, 10:45 pm

الريــمـ

يعطيك العافيه على اختيارك القصيده

مشكوره ماقصرتى وننتظر المزيد

موضوع: رد: أنا والليل والعبرةوجرح 27/9/2008, 5:49 am

ملكـــــــــــة الرومنسية

لاهنتي على مرورك والف شكر لكلماتك العذبة

تقبلي ودي

موضوع: رد: أنا والليل والعبرةوجرح 27/9/2008, 5:51 am

بحـــــــــــــــار

لاهنت على مرورك الذي اسعدني

تقبل ودي

لاعدمنا من تواجدك