الغلا قصه عجيبه تبتدي بضحكة عيون ...
قصه فارسها مشاعر نابضه أغلى غرام ..
نصها كلمة ( أحبك ) يا حبيبي للجنون ...
تنطلق من قلب عامر بالمحبه والسلام ..
هذي هي قصة غرامي يوم جيتك يا حنون ..
ما بقى شي بـ كياني غير حبك بـ إحتدام ..
جيت لك تضحك شفاهي بـ إبتسامات الجفون ..
جيت لك والقلب غارق في عبارات الكلام ..
ما تصنعت المشاعر لأجل أبرهن من أكون ..
كان همي إني آصل ساحلك يا أغلى حبيب ..
إبتسم ساعة أشوفك وأنسى أيام الشجون ..
وأتخذ لأجلك مساحه في مواعيد الزحام ..
لاتلاقينا وشفتك قاسي الغربه يهون ...
والفرح يسري بدمي ويخترق صلب العظام ..
وإن تفارقنا دقيقه مالت أوراق الغصون ..
والدقيقه في عيوني شفتها ألفين عام ...
الغياب يا هو غيابك صبلي كاس المنون ...
أشربه ظلم وتجني وأرتويه بـ إنصدام ..
_____
الغلا ما هو حكايه تعتبر ضمن الفنون ..
الغلا عشته بقلبك يا قمر وسط الظلام ..
لو درا بـ صادق غرامي الغدر حرّم يخون ..
ولو يعيشه كل مذنب إلتزم بعد الحرام ..
والبلابل لو تحسه زادت أنغام اللحون ...
وبه تغنت وإهتفت به وغارت أسراب الحمام ..
والبحر لو قاس حبي صارت أمواجه سكون ...
وقال : انا قطره وجف وأبهر أحلام الأنام ..
حتى ( قيس ) اللي تصدّر قايمة أهل الجنون ..
واللي أهل العشق أخذوا من ][ أساطيرـه ][ وسام ..!
ما وصل عشقه بـ( ليلى ) مرحلة ضم الحضون ..
ولا تحدى في غلاها لذة أنفاس المنام ..
كل حب غير حبي مثل همال المزون ...
يستمر وقت السحاب ويتنهي بعد الغمام ..
وكل شعر غير شعري ما يفي باللي يبون ..
تكتب حروفه ( أحبك ) ونيته بـ الإنتقام ..
أتحدى وأتحدى وأتحدى من يكون ؟
إن قلبٌ غير قلبي حبه صادق بالتمام ..
وإن كلامي ما عجبهم يفعلون ما يشتهون ..
يمكن لاشافوا ولاي عندهم ينشأ إهتمام ..
الـغـلآ قصه وصارت بيني وبينك ( جنون ) ؟ ..
حكتها بشعور قلبي قبل ما يبدا الكلام ..
الــغـلآ واقع أعيشه معك ما يرضى الظنون ..
واقع أجمل من خيال واقع نبراس الوئام ..
بطلبك قبل أنتهي كانك لإحساسي تصون ..
إن لحظات التواصل نغتنمها إغتنام ..
ما نبي الأيام تمشي والمشاعر يلهثون ..
والخطاوي الهاويه في سراديب الخصام ...
والأمانه في النهايه ياحكي حب العيون ...
لافهمت حروف شعري ضمها بعد الختام ....!
4/11/2008, 10:53 am
