اقول:
انا راحل عســى ربــي يـصـبـر قـلـبـي الـمـجـورح
وابترك من طعن قلبي وحلقي من همومي غاص
ولكن قبل ما ارحل من دياره والــحــشــا مــذبــوح
بعرفه ان عزي ما يــدنــس والــجــروح اقــصــاص
وبشيد لي قصيده تبني لــشــعــر الــهـجاء صروح
وانا في جملة الــشــعــار ســبــاح وولــد غــواص
وابرحل في سـفـيـنـه مـا غـلـبـهـا غـيـر قارب نوح
في بحر الشعر تمشي والشراع ميخطينه خاص
او اني بمشي بصحراء شعـر الـجـهـل كـلـي بوح
واصيد الضبي وعـيـونـي مـلـتها نـظـرة الـقـنـاص
بصيدك وابشباكك واطعنك بسـلاحك الـمـمسوح
مسحته بالسموم وسمه اقوى من حريق ارصاص
سموم الخدعه الي عيشتني سنين بيـن ســفـوح
وانا احسب ان عيشي في القمم مثل الصقر بصاص
سنسين وترسم الخطه وباب القلب لك مـفـتوح
توقعتك تـداوي الـقـلـب وانـتـه لـلـدمـا مـصـاص
ولكن بانت الـخـطـه بـتـرحـل ويــن يالــمـمـلوح
ومن يطبخ سموم يذوق سـمه قاله القـصـاص
وبعد القلب ما يشفى وافارق عادة اهل النوح
ابرحل وادعي الله مغفره واعـلـن لـه الاخلاص
ماعاد ابغى خوي بعبد الهي قبل نـزع الــروح
واعيش بخيمه مخاوي ذلولي والغنيمه شاص
وافارق ناس لجل المصلحه تلبس خلق مفضوح
احـد طبل واحـد صفق وصاحبهم سرا رقـــاص
وافارق عيشة احد الخلق ناطح واحدهم منطوح
وافكر يوم توصــل لـلـتـراقـي مـالـك أي مـنـاص
ومن ثمن تكفن ثـم تـوضـع بـالـنـعـش مـسـدوح
وتحاملك الكتوف ووجـهـتـك مـابـه لـهـا مخلاص
وينزل جسمك بحفره عظيمه لـحـدهـا مـطـروح
وتدفن ثم تسمع مشي اخرهم سرا بإنـقـاص
وتبدأ رحلة البرزخ وتبقى بـيـن سـرب ضــروح
ولكني قبل موتي بتوب ومـا ابـنـادى عـــاص
وابرجي رحمه الرحمن واحيا والصدر مشروح
وربي ما يضيع اعمال خلقة والجروح اقصاص
وسلامتكم....
منقوووول
4/1/2009, 8:39 pm
